Tacikistanın şərqində 6,1 bal gücündə zəlzələ baş verib.
APA xəbər verir ki, bu barədə ölkənin Elmlər Akademiyasının seysmoloji xidməti məlumat yayıb.
Məlumata görə, zəlzələ yerli vaxtla saat 22:14-də (Bakı vaxtı ilə saat 21:14) qeydə alınıb.
“6,1 maqnitudalı zəlzələ Tacikistanın Murqab rayonunda, Düşənbədən 700 kilometr şərqdə və Murqab rayon mərkəzindən 25 kilometr məsafədə baş verib”, - deyə xidmətin məlumatında qeyd olunub.
Yeraltı təkanlar Tacikistanın paytaxtında 3-4 bal gücündə hiss olunub. Fövqəladə Hallar Komitəsinin verdiyi məlumata görə, zəlzələ nəticəsində tələfat və dağıntı yoxdur.
Avropa-Aralıq dənizi Seysmoloji Mərkəzinin məlumatına görə, zəlzələnin episentri 80 kilometr dərinlikdə yerləşib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
