ABŞ dövlət katibinin müavini Riçard Verma iyunun 17-də Ermənistanın paytaxtı İrəvana səfər edəcək.
APA ABŞ-ın Ermənistandakı səfirliyinə istinadən xəbər verir ki, diplomatın Ermənistana səfəri Entoni Blinkenin digər müavini Ceyms O’Brayenin səfəri kimi üç gün davam edəcək. Bir neçə gün əvvəl Ermənistana səfər edən Ceyms O’Brayen 3 gün ərzində müxtəlif görüşlər keçirmişdi.
Səfirliyin mətbuat xidməti xəbər verir ki, Verma yerli özünüidarəetmə sistemində demokratiya məsələlərinə həsr olunmuş Ermənistan-ABŞ forumunda iştirak edəcək.
Nümayəndə heyətinə Kaliforniya, Kanzas, Miçiqan, Montana və Pensilvaniyadan nümayəndələrin daxil olacağı bildirilir.