Qazaxıstan Daxili İşlər Nazirliyinin xüsusi təyinatlıları Astanada Kaspi Bankının Dostık küçəsində yerləşən şöbəsində əməliyyat keçirib.
APA-nın xəbərinə görə, bu barədə Qazaxıstan DİN mətbuat xidməti məlumat yayıb.
Qeyd edilib ki, bankın şöbəsində silahlı şəxsin girov götürdüyü 7 bank əməkdaşı azad edilib, silahlı şəxs zərərsizləşdirilib.
“Sputnik Kazaxstan” isə bank əməkdaşlarını girov götürən şəxsin artıq yaxalandığı və binadan çıxarıldığı barədə məlumat yayıb.
***
saat 14.57
Qazaxıstan Daxili İşlər Nazirliyinin xüsusi təyinatlıları Astanada Kaspi Bankının Dostık küçəsində yerləşən şöbəsində əməliyyata başlayıb.
APA-nın xəbərinə görə, bu barədə “Sputnik Kazaxstan” məlumat yayıb.
Bankın şöbəsinə silahlı şəxs 7 bank əməkdaşını girov götürüb. Binanın qapısının qarşısında güclü partlayışdan sonra xüsusi təyinatlılar banka daxil olub.
Qazaxıstan Daxili İşlər Nazirliyi artıq 4 girovun azad edildiyini açıqlayıb.
***
saat 14.45
Astanada Kaspi Bankının Dostık küçəsində yerləşən şöbəsində yalnız bank əməkdaşları olub, şöbədə müştərilər olmayıb.
APA-nın xəbərinə görə, bu barədə bankın yaydığı məlumatda bildirilib.
Qeyd edilib ki, hazırda polis silahlı şəxslə danışıqlar aparır.
***
saat 14.31
Astanada Kaspi Bankının Dostık küçəsində yerləşən şöbəsində silahlı şəxsin 7 nəfəri girov götürdüyü ehtimal edilir.
APA-nın xəbərinə görə, bu barədə Qazaxıstan Daxili İşlər Nazirliyi məlumat yayıb.
Qeyd edilib ki, peşəkar mütəxəssislər hazırda silahlı şəxslə danışıqlar aparır.
Hadisə yeninə Qazaxıstan DİN-nin xüsusi təyinatlı “Arlan” bölməsi cəlb olunub.
***
saat 14.25
Qazaxıstanın paytaxtı Astanada silahlı şəxs banka hücum edib, bir neçə nəfəri girov saxlayır.
APA-nın TASS-a istinadən verdiyi məlumata görə, polis Kaspi Bankının Dostık küçəsində yerləşən şöbəsində insanları girov götürən silahlı şəxslə danışıqlar aparır.
Polis əhalini sakitliyə riayət etməyə və hüquq-mühafizə orqanlarının fəaliyyətinə mane olmamağa çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
