Avropa Yenidənqurma və Inkişaf Bankı (AYİB) Ukrayna və Rusiyaya dair proqnozuna dəyişiklik edib.
APA-nın boursier.com saytına istinadla xəbərinə görə, bank əvvəlki proqnozunda bu il Ukraynada 3,5, Rusiyada isə 3% artım proqnozlaşdırmışdı.
Son dəyərləndirmədən sonra bu il Ukraynada ümumi daxili məhsulun 20% azalacağı göstərilir. Bankın mütəxəssislərinin fikrincə, Ukrayna 1970-ci ildən sonra ən ciddi tənəzzüllə üz-üzədir. Lakin gələn il üçün Ukraynada 23% artım gözlənilir.
Bank sanksiya məngənəsində sıxılan Rusiya iqtisadiyyatının bu il azı 10% geriləyəcəyini ehtimal edir. 2023-cü ildə isə 0% həddində artım gözlənilir. Federasiyada inkişafın 2024-cü ildə başlayacağı ehtimal olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
