Rusiyanın Baltik dənizi sahilində yerləşən ən böyük ixrac limanlarından biri olan Ust-Luqada dron hücumundan sonra güclü yanğın baş verib.
APA xəbər verir ki, bu barədə Leninqrad vilayətinin qubernatoru Aleksandr Drozdenko “Telegram” kanalında məlumat yayıb.
Qubernatorun sözlərinə görə, noyabrın 11-də gecə saatlarında baş verən hücum nəticəsində liman ərazisində yanğın başlayıb. Hücum zamanı üç işçinin yaralandığı bildirilir.
Drozdenko həmçinin hücum nəticəsində Ust-Luqadakı elektrik yarımstansiyasının fəaliyyətinin dayandırıldığını açıqlayıb.
Qeyd edək ki, Ust-Luqa limanı Rusiyanın neft, neft məhsulları, taxıl və digər əmtəələrin ixracı üçün mühüm logistika mərkəzlərindən biridir. Liman Finlandiya körfəzi sahilində, Estoniya sərhədinə yaxın ərazidə yerləşir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
