Oktyabrın 4-də gecə saatlarında Ermənistanı Lor vilayətinin Vanadzor rayonunda silahlı insident baş verib.
APA-nın “aysor.am” saytına istinadən verdiyi məlumata görə, gecə saat 23.55 radələrində şəhərin Miçurin küçəsində evlərdən birinin zirzəmisində güllə yarasından ölmüş 1989-cu il təvəllüdlü iki gəncin meyiti aşkarlanıb.
Eyni zamanda müxtəlif dərəcəli bədən xəsarəti almış 6 nəfər Vanadzor Şəhər Xəstəxanasına gətirilib. Onlardan biri - 1994-cü il təvəllüdlü gənc xəstəxanaya gətirilərkən yolda ölüb.
Aparılan istintaq çərçivəsində 1979-cu il təvəllüdlü Vanadzor sakini saxlanılıb və o, etiraf xarakterli ifadə verib. Hadisənin digər iştirakçılarının müəyyənləşdirilməsi istiqamətində əməliyyat-axtarış tədbirləri aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
