Gürcüstana daxil olan xarici ölkə vətəndaşlarının “yaşıl status”unun təsdiqlənməsi üçün öz ölkələrində aldıqları müvafiq sənəd kifayət edəcək.
APA-nın yerli bürosu xəbər verir ki, Gürcüstan Baş naziri İrakli Qaribaşvili imzaladığı qərara əsasən Gürcüstana daxil olan xarici ölkə vətəndaşlarının öz ölkələrində əldə etdikləri tam vaksinasiya haqqında sənəd və ya mənfi cavablı PZR testi nəticəsini təqdim etməsi “yaşıl status” əldə edilməsi üçün kifayət edəcək.
Yeni qərar bu gündən qüvvəyə minib.
Xatırladaq ki, dekabrın 1-dən Gürcüstanda “yaşıl pasport” qaydasının tətbiqinə başlanılıb.
Həmin tarixdən etibarən ölkə ərazisində ictimai nəqliyyat, ərzaq mağazaları və apteklər istisna olmaqla qapalı ictimai məkanlara yalnız “yaşıl status”a malik şəxslərin daxil olmasına icazə verilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
