Gürcüstanda epidemioloji vəziyyətin pisləşməsi ilə əlaqədar bu gündən bir sıra məhdudiyyətlərin tətbiqinə başlanılıb.
APA-nın yerli bürosu xəbər verir ki, Qurumlararası Koordinasiya Şurasının qərarına əsasən, avqustun 14-dən sentyabrın 4-dək şəhərlərarası nəqliyyat istisna olmaqla bütün ölkə ərazisində bələdiyyəyə məxsus avtobusların və metronun fəaliyyəti dayandırılıb.
Şəhərdaxili avtobuslardan yalnız vətəndaşların əsas vaksinasiya mərkəzlərinə daşınması üçün istifadə ediləcəyi bildirilib. Eyni qərarla uşaq əyləncə mərkəzlərinin fəaliyyəti dayandırılıb, idman yarışları, festivallar, konsertlər və digər kütləvi əyləncə proqramları təxirə salınıb. Bundan başqa, qarşıdakı 3 həftə ərzində iaşə obyektlərinin saat 23:00-dan 05:00-dək icazə verilməyəcək.
Qeyd edək ki, Gürcüstanda yeni növ koronavirusun (COVID-19) dördüncü dalğası pik həddə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
