Rusiyanın “Pravda Coffee” şəbəkəsinin İT infrastrukturu haker hücumuna məruz qalıb və Ukrayna himni səsləndirilib.
APA-nın məlumatına görə, bu barədə “Vedomosti” mənbəyə istinadən yazır.
Hücum avqustun 24-də baş verib və eyni anda bir neçə nöqtədən başlayıb. Mənbə izah edib ki, şirkətlərdəki Wi-Fi marşrutlaşdırıcıları müəssisənin daxili şəbəkəsinin bir hissəsidir və bütün qurğuların və komponentlərin işini təmin edir: kassa aparatlarından tutmuş təhlükəsizlik sistemlərinə qədər. O qeyd edib ki, avadanlıq və məlumat bazalarına haker hücumlarının səbəbi informasiya təhlükəsizliyi tələblərinin pozulması ola bilər.
Faktı “Pravda Coffee” şirkətinin nümayəndəsi hadisənin təfərrüatlarını açıqlamadan təsdiqləyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
