"Patriot" sistemləri Ukraynaya çatdırılsa, Rusiya silahlı qüvvələrinin qanuni hədəfinə çevriləcək.
APA-nın Moskva müxbirinin məlumatına görə, bunu Kremlin mətbuat katibi Dmitri Peskov bildirib.
O, Rusiya Təhlükəsizlik Şurasının sədr müavini Dmitri Medvedevin “Patriot” sistemlərinin ABŞ-dan Ukraynaya çatdırılacağı təqdirdə qanuni hədəfə çevriləcəyi fikri ilə razılaşdığını söyləyib.
Rusiya Prezidentinin mətbuat katibi ABŞ-dan Ukraynaya "Patriot" hava hücumundan müdafiə sistemlərinin tədarükü ilə bağlı rəsmi məlumatı gözləməyə çağırıb.
"Hələlik şərh verməzdim, çünki bunlar hamısı KİV-də yayılan xəbərlərdir. Bizim dövrümüzdə KİV xəbərləri etibarsızdır. Ona görə də hansısa rəsmi məlumat gözləyəcəyik", - deyə Kremlin sözçüsü vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
