Rusiyanın Sankt-Peterburq şəhərində Kollektiv Təhlükəsizlik Müqaviləsi Təşkilatına (KTMT) üzv dövlətlərin səlahiyyətli orqanlarının bioloji təhlükəsizlik məsələləri üzrə Koordinasiya Şurasının 1-ci iclası keçirilib.
APA xəbər verir ki, bu barədə KTMT rəsmi internet səhifəsində bildirilib.
Verilən məlumata əsasən , iclas zamanı Rusiyanın İstehlakçıların Hüquqlarının Müdafiəsi və İnsan Rifahı sahəsində Nəzarət üzrə Federal Xidmətinin (Rospotrebnadzor) rəhbəri Anna Popova Koordinasiya Şurasına sədr seçilib.
İclasda şuranın fəaliyyətinin təşkilati məsələləri, o cümlədən gündəlik fəaliyyətdə bioloji təhlükəsizlik məsələləri üzrə qarşılıqlı fəaliyyət müzakirə olunub.
Xatırladaq ki, adı çəkilən Şura KTMT Təhlükəsizlik Şurasının Katiblər Komitəsinin 15 sentyabr 2021-ci il tarixli qərarı ilə yaradılıb. Yeni strukturun məqsədi bioloji təhlükələrin qarşısının alınması və onlara qarşı mübarizə sahəsində fəaliyyətin və əməkdaşlığın əlaqələndirilməsi, KTMT-yə üzv olan dövlətlərin bioloji təhlükəsizliyinin təmin edilməsi üçün etibarlı sistemin yaradılmasıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
