Rusiya Prezidenti Vladimir Putin “əlaqələndirici dövlət” anlayışının tətbiqini nəzərdə tutan KTMT-nin sülhməramlı sazişinə dəyişiklik edilməsinə dair protokolu ratifikasiya üçün Dövlət Dumasına təqdim edib.
APA-nın Moskva müxbirinin xəbərinə görə, protokolun mətni Dumanın elektron bazasında yerləşdirilib.
“Protokolla “əlaqələndirici dövlət” anlayışı tətbiq olunur və onun himayəsi altında BMT-nin sülhməramlı əməliyyatlarında istifadə üçün Kollektiv Təhlükəsizlik Müqaviləsi Təşkilatının kollektiv sülhməramlı qüvvələrinin yaradılmasını nəzərdə tutur”, - deyə protokolda qeyd olunub.
Sənədə əsasən, “əlaqələndirici dövlət” təşkilati məsələlərin və kollektiv sülhməramlı qüvvələrin BMT-nin sülhməramlı əməliyyatlarında istifadəsinə hərtərəfli dəstək məsələlərinin həlli üçün Kollektiv Təhlükəsizlik Şurası tərəfindən müəyyən edilən üzv dövlətlərdən biridir.
Dumanın məlumat bazasında yerləşdirilən sənəddə deyilir ki, BMT-nin sülhməramlı əməliyyatında istifadə üçün Kollektiv Sülhməramlı Qüvvələr əlaqələndirici dövlətin himayəsi altında yaradılır.
Qeyd edək ki, protokol 2021-ci il sentyabrın 16-da Düşənbədə imzalanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
