Rusiya ABŞ-la dialoqa sadiqdir. Moskva Vaşinqtonla diplomatik əlaqə kanallarını saxlayır.
APA-nın Moskva müxbirinin məlumatına görə, bunu Rusiya xarici işlər nazirinin müavini Sergey Ryabkov RT Arabic kanalına müsahibəsində bildirib.
"ABŞ-la dialoq heç vaxt dayanmayıb, biz onu daimi əsasda aparırıq. Biz səfirliklərimiz səviyyəsində və təbii ki, telefon əlaqəsi vasitəsilə təmaslara sadiqik", - deyə Ryabkov vurğulayıb.
Rusiya XİN başçısının müavini diplomatiyanın rolunun indi lazımi səviyyədə olmamasından təəssüfləndiyini bildirib: "Hazırda düşmüş olduğumuz bu şərait və Vaşinqtonun dinamikası, onun Rusiyanı cəzalandırmaq istəyi iflasa uğrayacaq və heç nəyi dəyişməyəcək. Biz hər zaman daha ədalətli dünya üçün mübarizə aparırıq", - deyə rusiyalı diplomat əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
