Roskosmos “Luna-25” stansiyasının qəzaya uğramasının ən çox ehtimal olunan səbəbini açıqlayıb.
APA-nın Moskva müxbiri xəbər verir ki, qurumdan verilən açıqlamada bildirilib ki, qəzaya səbəb bortda idarəetmə blokunun işindəki xəta olub.
Belə ki, idarəetmə bloku hansı komandaların birinci yerinə yetiriləcəyini müəyyən edə bilməyib.
Qeyd edək ki, avqustun 11-də Vostoçnı Kosmodromundan son 50 ildə ilk yerli Ay stansiyasına malik Soyuz 2.1b raketi buraxılıb.
Avqustun 16-da cihaz Ayın orbitinə daxil olub. Avqustun 19-da eniş öncəsi orbitə keçid, avqustun 21-də isə Ayın Cənub qütbünə yumşaq eniş gözlənilib. Lakin avqustun 19-da Roskosmos stansiyanın göyərtəsində fövqəladə vəziyyətin baş verdiyini və bunun eniş öncəsi orbitə keçidə imkan vermədiyini açıqlayıb.
Ertəsi gün dövlət korporasiyası “Luna-25”in kənar orbitə keçdiyini və Ayla toqquşduğunu açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
