Müdafiə naziri: Fransa Ermənistana müxtəlif mənzilli raketlər verməyə hazırdır

Müdafiə naziri: Fransa Ermənistana müxtəlif mənzilli raketlər verməyə hazırdır
# 23 fevral 2024 11:37 (UTC +04:00)

Fransa Ermənistana müxtəlif mənzilli raketlər verməyə hazırdır.

APA xəbər verir ki, bunu İrəvanda səfərdə olan Fransa müdafiə naziri Sebastyan Lekornu erməni həmkarı Suren Papikyanla görüşdən sonra birgə mətbuat konfransında çıxışı zamanı deyib.

Lekornu deyib ki, Ermənistana yaxın, orta və uzun mənzilli raketlər lazımdırsa, onlar da ölkənin müdafiə potensialının inkişaf etdirilməsinin bir hissəsi olacaq.

Fransalı nazir Ermənistana hansı hərbi texnikanın gələcəyi ilə bağlı detalları açıqlamayıb, lakin qeyd edib ki, “onların hamısı müdafiə əhəmiyyəti daşıyır, çünki Cənubi Qafqazda həm əhalinin, həm də sərhədlərin qorunması prioritetdir”.

Həmçinin əlavə olunub ki, ehtiyac yarandığı təqdirdə Fransa Ermənistanı hava hücumundan müdafiə sistemləri üçün raketlərlə də təmin edəcək.

#
#

ƏMƏLİYYAT İCRA OLUNUR