Bu gün Astana məhkəməsi Qazaxıstanın keçmiş prezidenti Nursultan Nazarbayevin qardaşı oğlu Kayrat Satıbaldının keçmiş həyat yoldaşı Gülmira Satıbaldı qanuna tabe olmamaqda və adam oğurluğunda təqsirli bilib.
APA İnterfaks-a istinadən xəbər verir ki, məhkəmə onu 7 il müddətinə azadlıqdan məhrum edilib.
"Gülmira Satıbaldı təqsirli bilinsin və əmlakı müsadirə olunmadan 7 il müddətinə azadlıqdan məhrum edilsin", - prosesə sədrlik edən hakim Kemenger İmaşev hökmü elan edərkən deyib.
Bundan başqa, məhkəmənin hökmünə əsasən, dövlət başçısına Gülmira Satıbaldının dövlət mükafatı - “Kurmet” ordenindən məhrum edilməsi ilə bağlı təqdimat veriləcək.
İş üzrə ikinci təqsirləndirilən şəxs Madi Batırşayev də təqsirli bilinərək əmlakı müsadirə olunmadan 7 il, onların digər şəriki Rəşid Utebekov isə əmlakı müsadirə olunmadan 5 il müddətinə azadlıqdan məhrum edilib.
Xatırladaq ki, Gülmira Satıbaldı Qazaxıstanın ilk Prezidenti Nursultan Nazarbayevin qardaşı oğlu olan Kayrat Satıbaldının keçmiş həyat yoldaşıdır və “Forbes Kazakhstan” jurnalına görə ölkənin ən nüfuzlu iş adamları siyahısına daxil edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
