Rusiyanın “Su-27” təyyarəsi Almaniya Hərbi Dəniz Qüvvələrinin “P-3C Orion” təyyarəsinin dövlət sərhədinə yaxınlaşması ilə əlaqədar havaya qaldırılıb, sərhəd pozulmasına yol verilməyib.
APA-nın Moskva müxbiri xəbər verir ki, bu barədə Rusiya MN-nin Milli İdarəetmə Mərkəzi məlumat yayıb.
“2023-cü il yanvarın 16-da Rusiyanın Baltik dənizi üzərində hava məkanına nəzarət vasitələri Rusiya Federasiyasının dövlət sərhədinə yaxınlaşan hava hədəfi aşkarlayıb. Baltik Donanmasının hava hücumundan müdafiə qüvvələrinin döyüş növbətçiliyində olan Su-27 qırıcı təyyarəsi havaya qaldırılıb.
Rusiya təyyarəsinin ekipajı yaxınlaşan obyektin Almaniya Hərbi Dəniz Qüvvələrinə məxsus “P-3C Orion” olduğunu müəyyən edib və onu Baltik dənizi üzərində müşayiət edib. Rusiya Federasiyasının dövlət sərhədinin pozulmasına yol verilməyib”, - deyə məlumatda qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
