Özbəkistan Senatı (parlamentin Yuxarı Palatası) Qazaxıstanla dövlət sərhədinin demarkasiyası ilə bağlı sazişi təsdiqləyib.
APA xəbər verir ki, bu barədə məlumat Senatın rəsmi saytında dərc edilib.
Sazişdə qeyd olunub ki, Özbəkistan-Qazaxıstan dövlət sərhədinin müəyyənləşdirilməsi üzrə aparılan işlər tam yekunlaşıb, bununla da sərhəd təhlükəsizliyinin və toxunulmazlığının təmin edilməsi üçün ən mühüm ilkin şərtlər yaradılıb.
“Özbəkistan ilə Qazaxıstan arasında “Özbəkistan-Qazaxıstan dövlət sərhədinin demarkasiyası haqqında Müqavilənin ratifikasiyası haqqında” qanun senatorlar tərəfindən təsdiq edilib”, - deyə məlumatda bildirilib.
Həmçinin əlavə olunub ki, Qazaxıstanla dövlət sərhədinin demarkasiyası ilə bağlı Sazişi ötən ilin 21 dekabrında Özbəkistan Şavkat Mirziyoyev və Qazaxıstan lideri Kasım-Jomart Tokayev imzalayıblar.
“Son illər iki ölkə arasında siyasi, ticarət-iqtisadi, mədəni-humanitar və digər sahələrdə əməkdaşlığın yeni dövrü başlayıb”, - deyə Senatın məlumatında qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
