Rusiya Çinə neft və boru kəməri ilə qazın ixracında ilk yeri tutur.
APA-nın Moskva bürosu xəbər verir ki, bunu Rusiya Prezidentinin köməkçisi Yuri Uşakov Putin-Si Cinpin danışıqları ilə bağlı keçirdiyi brifinqdə bildirib.
Onun sözlərinə görə, danışıqlar məzmunlu olub: “Dövlət başçıları İran, Venesuela və Kuba ilə bağlı vəziyyəti müzakirə ediblər. Moskva və Pekinin beynəlxalq məsələlərin böyük əksəriyyəti üzrə mövqeləri yaxındır və ya tamamilə üst-üstə düşür”.
Uşakov Putin və Si Cinpinin ABŞ-la münasibətləri müzakirə etdiklərini də qeyd edib: “Rusiya və Çinin bir çox məsələlərdə yanaşmaları üst-üstə düşür. İki ölkənin tərəfdaşlığı görünməmiş səviyyədədir və heç kimə qarşı yönəlməyib”.
Putinin köməkçisi bildirib ki, Si Cinpin Əbu-Dabidə Ukrayna ilə bağlı davam edən danışıqları dəstəkləyib.
O, Si Cinpinin Putini ilin birinci yarısında Çinə rəsmi səfərə dəvət etdiyini, Rusiya Prezidentinin isə dəvəti qəbul etdiyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
