Kremldə Rusiya Prezidenti Vladimir Putinlə Qazaxıstan Prezidenti Kasım-Jomart Tokayev arasında görüş keçirilib.
APA-nın Moskva müxbirinin xəbərinə görə, görüşün protokol hissəsində çıxış edən Vladimir Putin Qazaxıstanın yanvar ayında beynəlxalq qruplaşmanın qurbanı olduğunu söyləyib.
“Bu, bizim yanvar hadisələrindən, mübaliğəsiz desək Qazaxıstanın ölkədəki mürəkkəb vəziyyətdən istifadə edən hansısa beynəlxalq qruplaşmanın qurbanı olmasından sonra ilk görüşümüzdür. Qazaxıstanda vəziyyət bərpa olunub, ölkə respublika rəhbərliyinin səyləri sayəsində möhkəm dayanıb. Rusiya KTMT ölkələrindən biri kimi müqavilənin dördüncü bəndinə uyğun olaraq Qazaxıstana dəstək oldu. Lakin əlbəttə ki, Qazaxıstanın öz rəhbərliyi, hüquq-mühafizə orqanları, Silahlı Qüvvələri başlıca rol oynadı”, - Putin vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
