“Sarsılmaz qardaşlıq 2023” təlimlərində iştirak edəcək Kollektiv Təhlükəsizlik Müqaviləsi Təşkilatı (KTMT) qüvvələri 4-8 oktyabrda Qırğızıstanda yenidən toplanacaq.
APA xəbər verir ki, bu barədə KTMT-nin Birgə Qərargahının mətbuat katibi Vladislav Şeqrikoviç məlumat verib.
Məlumata əsasən, təlimlərin aktiv mərhələsi 9-13 oktyabr tarixlərində baş tutacaq.
Həmçinin əlavə olunub ki, təlimlər Edelveys poliqonunun ərazisində baş tutacaq.
Qeyd edək ki, ötən ilin 10-14 oktyabr tarixlərində Qırğızıstanda yerləşən Edelveys poliqonunda “Sarsılmaz qardaşlıq 2022” təlimləri keçirilməli idi. Qırğızıstan təlimlərin keçirilməsindən imtina etdi və imtinanın səbəbi açıqlanmadı. Təlimlər zamanı sülhməramlı əməliyyatlar və atəşkəsin təmin olunması məqsədilə məşqlər həyata keçirilməli idi.
Xatırladaq ki, KTMT-nin sülhməramlı qüvvələri 2012-ci ildən etibarən “Sarsılmaz Qardaşlıq” birgə təlimləri keçirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
