Moskvanın Basmannı rayon məhkəməsi "Pervıy kanal”ın keçmiş redaktoru Marina Ovsyannikova barədə qiyabi həbs qərarı çıxarıb.
APA-nın Moskva müxbiri yerli KİV-ə istinadən xəbər verir ki, Rusiya Federasiyası Cinayət Məcəlləsinin 207.3-cü maddəsinin 2-ci hissəsinin “d” bəndində nəzərdə tutulmuş cinayəti törətməkdə təqsirləndirilən M. Ovsyannikova barəsində həbs qətimkan tədbirinin seçilməsi, Rusiyaya ekstradisiya edildiyi və ya Rusiyada saxlanıldığı andan etibarən 1 ay 29 gün həbs edilməsi barədə müstəntiqin vəsatəti təmin edilib.
Qeyd edək ki, bu ilin avqustunda məhkəmə Ovsyannikovanı silahlı qüvvələri nüfuzdan salan bəyanatlar verməkdə təqsirləndirərək oktyabrın 9-dək ev dustaqlığına məhkum edib. Lakin o, ölkəni tərk edib və bundan sonra Daxili İşlər Nazirliyi Ovsyannikovanı axtarışa verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
