Rusiya Silahlı Qüvvələrinin Ukraynadakı xüsusi əməliyyatı Kiyevdə qarayara, vəba və Afrika donuz taunu patogenləri ilə iş aparan 5 biolaboratoriyanın fəaliyyətini dayandırmağa imkan verib.
APA-nın Moskva müxbiri xəbər verir ki, bunu Rusiya Silahlı Qüvvələrinin Radiasiya, Kimyəvi və Bioloji Mühafizə Qoşunlarının rəisi İqor Kirillov bildirib.
“Rusiya Silahlı Qüvvələrinin xüsusi əməliyyatının mühüm nəticəsi qarayara, tulyaremiya, brusellyoz, vəba, leptospiroz, Afrika donuzu taunu patogenləri ilə iş aparan beş Kiyev bioloji laboratoriyasının fəaliyyətinin dayandırılması olub”, - Kirillov vurğulayıb.
Onun sözlərinə görə, ştam kolleksiyasının bir hissəsi ABŞ-a aparılıb, qalan ştamlar Ukrayna Səhiyyə Nazirliyinin 24 fevral tarixli əmrinə uyğun olaraq təcili şəkildə məhv edilib.
Rusiya Müdafiə Nazirliyi ABŞ prezidentinin oğlu Hanter Baydenin Pentaqonun təhdidlərin azaldılması departamentinin əməkdaşları və onun Ukraynadakı biolaboratoriya podratçıları arasında yazışmaları dərc edib.
“Rusiya Müdafiə Nazirliyində Baydenin oğlunun Ukraynada patogenlərlə işləmək üçün şərait yaradılmasındakı rolunu təsdiqləyən yazışmalar var. Məktubların məzmunu Hanter Baydenin Ukrayna ərazisində patogenlərlə işləmək üçün maliyyə imkanlarının yaradılmasında, “Black and Veach və Metabiota” üçün vəsaitin təmin edilməsində mühüm rol oynadığını göstərir. Rusiya Federasiyasının Müdafiə Nazirliyi Ukrayna ərazisində bioloji silah komponentlərinin yaradılmasında iştirak edən şəxslərin siyahısını dərc edib”, - İqor Kirillov deyib.
O bildirib ki, Ukrayna hakimiyyəti bioloji silahların çatdırılması və istifadəsi üçün texniki vasitələr hazırlayır. Kirillov ABŞ-ın inkişaf etməkdə olan ölkələri bioloji silah komponentləri üçün sınaq meydançası hesab etdiyini söyləyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
