Rusiyanın hava hücumundan müdafiə sistemləri Xarkov vilayətinin İzyum şəhəri yaxınlığında Ukraynaya məxsus iki Su-25 hücum təyyarəsini vurub.
APA-nın Moskva müxbirinin məlumatına görə, bu barədə Rusiya Müdafiə Nazirliyinin rəsmi nümayəndəsi general-mayor İqor Konaşenkov bu gün keçirdiyi brifinqdə bildirib.
"Rusiyanın hava hücumundan müdafiə sistemləri İzyum yaşayış məntəqəsi yaxınlığında havada Ukraynaya məxsus iki Su-25 təyyarəsini vurub. Bundan başqa, Balakleya, Qulyai Pole və Volnovaxa ərazilərində üç pilotsuz uçuş aparatı, Nikolaev vilayətinin Kalininskoye yaşayış məntəqəsi yaxınlığında “Valkiriya” tipli PUA vurulub”, - Rusiya MN sözçüsü vurğulayıb
Konaşenkov ümumilikdə, Ukraynada xüsusi hərbi əməliyyat başlayandan indiyədək 129 təyyarə, 99 helikopter, 243 S-300, Buk-M1, Osa AKM zenit-raket komplekslərinin məhv edildiyini söyləyib: "Bundan başqa 441 pilotsuz uçuş aparatı, 2079 tank və digər döyüş zirehli texnikası, 239 reaktiv yaylım atəşi sistemi, 909 səhra artilleriya qurğusu və minaatan, 2000-dən çox xüsusi təyinatlı hərbi maşın da məhv edilib" .
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
