Rusiya XİN: Sofiyanın hərəkətləri absurddur

Rusiya XİN: Sofiyanın hərəkətləri absurddur
# 01 dekabr 2023 01:07 (UTC +04:00)

Bolqarıstan hökumətinin Rusiya Federasiyası Xarici İşlər Nazirliyinin rəsmi nümayəndəsi Mariya Zaxarovanın olduğu təyyarənin ölkə ərazisi üzərindən uçuşunu qadağan etmək qərarı amerikapərəst siyasətçilər tərəfindən qəbul edilib.

APA-nın məlumatına görə, bunu “Rossiya 24” telekanalının efirində Xarici İşlər Nazirliyinin nümayəndəsi özü deyib.

Onun sözlərinə görə, Sofiyanın hərəkətləri “absurddur”. Diplomat respublika ərazisinə enmək niyyətində olmayan və başqa ölkəyə uçan təyyarənin göyərtəsində hər hansı şəxsin olmasına qadağa qoyulmasını başa düşmədiyini vurğulayıb.

Noyabrın 30-na keçən gecə Rusiya Xarici İşlər Nazirliyinin rəhbəri Sergey Lavrov Avropada Təhlükəsizlik və Əməkdaşlıq Təşkilatına (ATƏT) üzv ölkələrin xarici işlər nazirlərinin iclasının keçirildiyi Şimali Makedoniyanın paytaxtına gəlib. Onun təyyarəsi Bolqarıstanın hava məkanından uçmalı idi, lakin son anda marşrut dəyişdirilib.

TASS-ın məlumatına görə, nazirin təyyarəsi Türkiyə və Yunanıstan əraziləri üzərində uçub. Bu qərar Bolqarıstanın Zaxarovanın göyərtədə olduğu halda təyyarəni buraxmaqdan imtina etməsi ilə əlaqədar olub.

#
#

ƏMƏLİYYAT İCRA OLUNUR