Rusiyada kütləvi PUA hücumu zamanı 1 nəfər ölüb, 4 nəfər yaralanıb

Rusiyada kütləvi PUA hücumu zamanı 1 nəfər ölüb, 4 nəfər yaralanıb
# 21 iyun 2024 10:11 (UTC +04:00)

Ukrayna Rusiyanın Krasnodardakı "Yujnıy" avtovağzalının və qazanxana binalarına kütləvi PUA hücumu təşkil edib.

APA-nın Rusiya bürosu xəbər verir ki, PUA hücumu nəticəsində bir qazanxana işçisi ölüb, 4 nəfər isə xəsarət alıb.

Rusiya Müdafiə Nazirliyi isə ötən gecə ərzində hava hücumundan müdafiə sistemlərinin Krım ərazisi və Qara dəniz üzərində Ukraynaya məxsus 70 PUA-nı, Krasnodar diyarı üzərində 43 PUA və Volqoqrad vilayəti üzərində bir PUA-nı məhv etdiyi barədə məlumat yayıb.

Həmçinin, Qara dənizin şimal-qərb hissəsində dəniz aviasiya qüvvələrinin Ukrayna Hərbi Dəniz Qüvvələrinin 6 pilotsuz katerini məhv etdiyi bildirilib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR