Rusiyanın Samara vilayətində səyyar sirkdə oturacaqların uçması nəticəsində xəsarət alanların sayı 8-ə çatıb.
APA xəbər verir ki, bu haqda Regional Səhiyyə Nazirliyindən məlumat verilib.
"Neftyanikov küçəsində sirk çadırı uçub. Hadisə yerində təcili tibbi yardım briqadası işləyirdi, 8 nəfər yaralanıb. 3 nəfər tibb müəssisəsinin təcili yardım otağına aparılıb, 5 nəfər öz imkanı ilə gəlib. İlkin məlumata görə, zərərçəkənlərin xəsarətləri yüngüldür. Onların xəstəxanaya yerləşdirilməsi tələb olunmur", - nazirlikdən bildirilib.
Qeyd edək ki, Samara vilayətinin Nefteqorsk şəhərində çıxış edən səyyar sirkdə tamaşaçıların əyləşdiyi oturacaqların altı sırası dağılıb. Nəticədə bir neçə nəfər xəsarət alıb. Hadisə zamanı ölən olmayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
