Bakı. Rüfət Əhmədzadə - APA. Ermənistanda Prezident Administrasiyasının binası qarşısına yürüş olacaq.
APA-nın “Armtoday”ə istinadən verdiyi məlumatına görə, Gümrüdə rus hərbçisi tərəfindən törədilən qətl hadisəsi ilə əlaqədar bu gün İrəvanda Azadlıq meydanından Prezident Administrasiyasının binasına yürüş təşkil ediləcək. Təşkilatçıların əsas tələbi rus hərbçisi tərəfindən qətlə yetirilən Avetisyan ailəsinin xatirəsinə ölkədə matəm elan olunması, həmçinin cinayətin təhqiqatının Ermənistanda aparılmasıdır. Təşkilatçılar vurğulayıb ki, Rusiya cinayətkarı Ermənistana təhvil verməli və işə Ermənistan məhkəməsi baxmalıdır.
Daha sonra yürüş iştirakçıları Azadlıq meydanına qayıdacaq. Saat 19:00-da meydanda cinayət qurbanlarının xatirəsinə şam yandırılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
