Bakı. Yeganə Laçınzadə - APA-Economics. “Rusiyanın hakimiyyət dairələri neftin qiymətinin nə vaxtsa artacağını gözləməyəcəklər. Buna görə də, enerji resurslarının aşağı qiymətləri ilə yaşamağı öyrənməliyik”.
APA-nın Moskva müxbirinin verdiyi məlumata görə, Qaydar forumunda çıxışı zamanı Rusiya Federasiyasının baş naziri Dmitri Medvedev deyib.
“İqtisadiyyatımızın tələb və şərtləri prinsipcə dəyişir, buna görə də, gözləmək mümkün deyil”, - deyə baş nazir bildirib.
Onun sözlərinə görə, mövcud şərtlər daxilində xərcləri aşağı salmaq, layihələrin keyfiyyətini isə yüksəltmək lazımdır.
“Aydın məsələdir ki, rublun zəifləməsi və idxalın bahalaşması fonunda bunu etmək çətindir”, - deyə baş nazir bildirib.
D. Medvedev onu da qeyd edib ki, hökumətin büdcə siyasəti iki əsas məsələni həll etməyə kömək edəcək: müxtəlif sosial proqramların həyata keçirilməsi və milli iqtisadiyyatın dəstəklənməsini.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
