Moskva və Moskva vilayətində mayən 29-da baş vermiş qasırğa nəticəsində ölənlərin sayı 15 nəfər təşkil edib. APA-nın “Gazeta.ru”ya istinadən verdiyi xəbərə görə, bu barədə Rusiya İstintaq Komitəsinin məlumatında bildirilir.
“Dəqiqləşdirilmiş məlumata əsasən, təbii fəlakət nəticəsində, 10-u Moskvada və 5-i Moskva vilayətində olmaqla, ümumilikdə 15 nəfər ölüb, 200-dək insan xəsarət alıb. Ölənlər müxtəlif yaşdadır, onların arasında yetkinlik yaşına çatmamış şəxslər də var”, - deyə məlumatda bildirilir.
Qasırğa zamanı Moskva sakinlərinin ölümünün səbəblərini və təfərrüatlarını müəyyənləşdirmək məqsədi ilə İstintaq Komitəsində qərargah yaradılıb.
Bundan əvvəl 16 nəfərin öldüyü bildirilirdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
