Moskva. Fərid Əkbərov - APA. Moskvada Ali Avrasiya İqtisadi Şurasının iclası keçirilir.
APA-nın Moskva müxbirinin verdiyi məlumata görə, Kremldə keçirilən iclasda Rusiya prezidenti Vladimir Putin, Belarus prezidenti Aleksandr Lukaşenko, Ermənistan prezidenti Serj Sarkisyan, Qazaxıstan prezidenti Nursultan Nazarbayev və Qırğızıstan prezidenti Almazbek Atambayev iştirak edirlər.
İclasda Qırğızıstanın Avrasiya İqtisadi İttifaqına qoşulması haqqında müqavilənin imzalanacağı gözlənilir.
Toplantı bitdikdən sonra dövlət başçıları mətbuat nümayəndələri üçün brifinq keçirəcəklər.
Qeyd edək ki, bu iclas Avrasiya İqtisadi İttifaqının yaradılması prosesi ilə bağlı son görüşdür. Artıq bütün dövlətlər təsis müqaviləsini ratifikasiya ediblər.