Rusiyanın Sverdlovsk vilayətində 5 nəfərin ölümü ilə nəticələnən yanğın hadisəsi baş verib.
APA-nın “RİA Novosti” Agentliyinə istinadən verdiyi xəbərə görə, hadisə Rejevsk şəhərində olub.
Yanğın nəticəsində evdə olan 5 nəfər dünyasını dəyişib.
Hadisə yerinə üç təcili tibbi yardım briqadası cəlb edilib. Yerli polis əməkdaşının verdiyi məlumata görə, yanğın nəticəsində ölənlərin kimliyi bəlli olub. Bunlar 1949 və 1951-ci il təvəllüdlü qardaşlar və onların qonaqları - 1964, 1976, 1956-cı il təvəllüdlü şəxslər olub. Həmin şəxslərdən biri ilk dəfə təqaüd aldığı üçün bunu dostları ilə qeyd etmək istəyib. Spirtli içki qəbul edən dostlar siqareti söndürməyi unudublar və yatıblar. Nəticədə yanğın baş verib və evdə olan 5 adam tüstüdən boğularaq ölüb. Hadisə baş verməzdən əvvəl həmin evdə 7 nəfər olub. İki nəfər yeyib-içdikdən sonra mənzili tərk edib.
Hazırda faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
