Bakı – APA. Ukrayna Ali Radası keçmiş baş nazir, “Batkivşina” Partiyasının lideri Yuliya Timoşenkonun həbsinə qərar vermiş məhkəmə hakiminin həbs olunmasına icazə verib. APA-nın “112.ua” saytına istinadən yaydığı xəbərə görə, Kiyevin Peçora rayon Məhkəməsinin hakimi Rodion Kireyevin həbsinə icazə verilməsi barədə qərarın lehinə 297 deputat səs verib.
Xatırladaq ki, 2011-ci ilin oktyabrında (Viktor Yanukoviçin prezidentliyi dövründə) Yuliya Timoşenko 2009-cu ildə Rusiya ilə imzaladığı qaz sazişində səlahiyyət həddini aşmaqda ittiham olunaraq 7 il müddətinə azadlıqdan məhrum edilib. O, 2014-cü ilin fevralında baş verən inqilabdan və Yanukoviçin ölkədən qaçmasından sonra azadlığa buraxılıb. Ukrayna Baş Prokurorluğu 2014-cü il aprelin 4-də hakim R. Kireyev haqqında cinayət işi qaldırıb. İyun ayında iş Ali Məhkəməyə göndərilib. İyulun 2-də R. Kireyev yoxa çıxıb və onun yeri hazırda bəlli deyil.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
