Zaxarova Moldovanı hədələyib

Zaxarova Moldovanı hədələyib
# 29 noyabr 2023 12:52 (UTC +04:00)

Rusiya Moldova hakimiyyətinin Moskva ilə Kişinyov arasında münasibətləri pozmağa yönəlmiş anti-Rusiya sanksiyalarına qoşulmaq qərarını cavabsız qoymayacaq.

APA-nın Moskva müxbiri xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

"Biz bunu Rusiya-Moldova münasibətlərini pozmağa yönəlmiş növbəti düşmən addımı kimi qiymətləndiririk. Şübhə yoxdur ki, bu, bizim tərəfimizdən cavabsız qalmayacaq", - deyə Zaxarova vurğulayıb.

Qeyd edək ki, Rusiya ilə Moldova arasında münasibətlər 2020-ci ilin sonunda Kişinyovda prezident Maya Sandu hakimiyyətə gəldikdən sonra pisləşməyə başlayıb. Rusiya Xarici İşlər Nazirliyi Moldova hakimiyyətini ölkədə qarşıdurma xarakterli anti-Rusiya ritorikasını dayandırmağa çağırıb.

#
#

ƏMƏLİYYAT İCRA OLUNUR