Rusiyanın Abxaziyanın Oçamçir rayonunda öz hərbi dəniz donanması üçün baza yaratması yalnız Gürcüstan üçün deyil, bütün region üçün təhdiddir.
APA-nın Tbilisi müxbiri xəbər verir ki, bunu Gürcüstan Prezidenti Salome Zurabişvili məsələ ilə əlaqədar yaydığı bəyanatında bildirib.
Dövlət başçısı Rusiyanın bu addımının Qara dəniz təhlükəsizliyi, tikintisi planlaşdırılan Anaklia dərin dəniz limanı və Gürcüstanın Avropaya yolu üçün böyük bir mina sahəsi olduğunu deyib.
“Bu təxribat yalnız Gürcüstanı deyil, bütün region təhdid edir. Bu addımla Rusiya Qara dəniz regionunda nüfuzunu gücləndirmək və regionda hökmranlıq etməyə çalışır. Mən Gürcüstanın tərəfdaşlarını və beynəlxalq ictimaiyyəti dərhal buna cavab verməyə çağırıram”, - Prezident deyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
