“Tacikistanda Azərbaycan mədəniyyəti günləri” keçiriləcək
28 iyul 2008 21:21 (UTC +04:00)
Bakı. Tamara Qriqoryeva - APA. Bu il noyabrın 10-16-da Düşənbədə “Tacikistanda Azərbaycan mədəniyyəti günləri” keçiriləcək. Bu barədə APA-ya Tacikistanın Azərbaycandakı səfirliyindən məlumat verilib. Hazırda tərəflər mədəniyyət günlərinin proqramını hazırlayırlar. Səfirlikdən, həmçinin bildirilib ki, bu ilin payızında Tacikistandan Azərbaycana nazirlər səviyyəsində bir neçə səfər gözlənilir.