Drezdendə “Muğam axşamı” təşkil olunacaq
27 avqust 2008 10:30 (UTC +04:00)
Bakı. Ülkər Qasımova-APA. Almaniyada Azərbaycan Cəmiyyəti “Alm.Az”ın təşəbbüsü ilə Drezdendə “Muğam axşamı” təşkil olunacaq. Cəmiyyətin sədri Ağahüseyn Babayev APA-ya deyib ki, oktyabr ayı üçün planlaşdırılan bu tədbir Drezdenin ən böyük konsert salonlarından birində keçiriləcək. Bununla bərabər cəmiyyətin təşəbbüsü ilə Drezdendə Azərbaycan filmlərinin nümayişi həyata keçiriləcək. Cəmiyyət sədri bildirib ki, bu il üçün planlaşdırılan layihənin proqramına əsasən Qarabağa həsr olunmuş filmlər salınacaq: “Sədri olduğum cəmiyyət çox qısa zamandır ki, fəaliyyətə başlayıb. Ancaq fəaliyyətə başladığımız gündən Azərbaycan mədəniyyətinin təbliğatı üçün çalışırıq. Elə bu ilin sonuna kimi də artıq bir neçə layihənin həyata keçirilməsini qarşımıza məqsəd qoymuşuq. Fəaliyyətimizin əsas məqsədi mədəniyyət, idman sahəsinin təbliğ olunmasıdır”. A. Babayev deyib ki, oktyabrın sonlarında Azərbaycanın milli geyimləri və qədim xalçaları da Drezdendə sərgilənəcək. Bu tədbirlərin Mədəniyyət və Turizm Nazirliyinin yardımı ilə həyata keçiriləcəyini vurğulayan cəmiyyət sədri qısa müddətdə Azərbaycan mədəniyyətinin bütün istiqamətlərinin Almaniyada yüksək səviyyədə tanınacağına inandığını bildirib.
Mədəniyyət siyasəti
Azərbaycan milli mətbəxi Türkmənistanda təqdim olunub
13:30
4 may 2024
Şri-Lanka mədəni irsin qorunması üzrə təcrübəsini bölüşməyə hazırdır
19:40
3 may 2024
Nazirlik "Azərbaycanfilm" və Nizami Kino Mərkəzinin AKİ-yə verilməsi təklifinə münasibət bildirib
19:34
3 may 2024
Mədəniyyət naziri İtaliya nümayəndə heyəti ilə görüşüb
18:08
3 may 2024