Mədəniyyət siyasəti

Ana səhifə

Mədəniyyət siyasəti

Azərbaycanda çap olunan kitab və elektron vəsaitlər Rusiya kitabxanasına göndərilib

11 aprel 2008 15:52 (UTC +04:00)

Bakı. Ülkər Qasımova - APA. Azərbaycanda çap olunan kitab və elektron vəsaitlərdən ibarət kolleksiya Rusiyanın Kalininqrad vilayətinin Universal Elmi Kitabxanasına göndərilib. Bu barədə APA-ya Mədəniyyət və Turizm Nazirliyindən məlumat verilib. Kolleksiyaya dövlət başçısının 12 yanvar 2004-cü il tarixli sərəncamı əsasında nəşr olunmuş kitablar daxil edilib. Kolleksiya Kalininqrad vilayətinin Universal Elmi Kitabxanasında yaradılmış “Azərbaycan guşəsi”ndə nümayiş etdiriləcək.
Qeyd edək ki, bu layihə Mədəniyyət və Turizm Nazirliyi və Rusiya Federasiyasının Mədəniyyət və Kinematoqrafiya üzrə Federal Agentliyi (“Roskultura”) arasında imzalanmış “Mədəniyyət sahəsində 2007-2008-ci illər üzrə mübadilə Proqramı”na əsasən həyata keçirilir.