İşğaldan azad olunmuş ərazilərdə abidələr üzrə monitorinqin statistikası təqdim olunub.
APA xəbər verir ki, statistikanı Mədəni İrsin Qorunması, İnkişafı və Bərpası üzrə Dövlət Xidmətinin rəisi Səbinə Hacıyeva "Mədəni İrs" Forumunda panel müzakirədə çıxışı zamanı açıqlayıb.
Onun sözlərinə görə, Şuşada 200, Cəbrayılda 22, Füzulidə 51, Zəngilanda 15, Xocavənddə 46, Qubadlıda 35, Ağdamda 47, Tərtərdə 4, Laçında 10, Kəlbəcərdə isə 3 abidənin monitorinqi aparılıb: "Monitorinqlər fasiləsiz olaraq davam etdirilir".
O qeyd edib ki, bu günə qədər azad olunmuş ərazilərdə dövlət qeydiyyatında olmayan 182 obyekt aşkar olunub, monitorinqə cəlb olunub. Səbinə Hacıyevanın sözlərinə görə, sözügedən abidələr tarixi, memarlıq və arxeoloji əlamət daşıyırlar: "Hazırkı dövrə qədər dövlət qeydiyyatında olan 433 tarix-mədəniyyət abidəsinə baxış keçirilib və müvafiq məlumatlar toplanıb".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
