Media

Ana səhifə

Media

ABŞ-da səfərdə olan Azərbaycanın bir qrup KİV rəhbəri bu gün ABŞ Dövlət Departamentində görüşlər keçirəcək

11 iyul 2007 13:00 (UTC +04:00)

E. Devis həm də ABŞ hərbi donanmasının generalı olduğunu, bu donanmanın məsul əməkdaşı kimi Azərbaycanda səfərdə olduğunu deyib, Azərbaycanın ABŞ üçün önəmli ölkə olduğunu qeyd edib: “Çox təəssüf ki ABŞ-da hələ də bunu başa düşməyənlər var”. O, Azərbaycanın Rusiya və İranla qonşu olmasının ABŞ-ın strateji maraqları üçün çox önəmli olduğunu da vurğulayıb. O, Azərbaycan KİV rəhbərlərini İraqa dəvət edib və orada “ABŞ qüvvələrinin gördüyü gözəl işlərlə” tanış olmağa çağırıb. Amerika Mətbuat İnstitutunun 60 illik tarixi olduğunu dəyən E. Dəvis bu qurumda indiyə qədər 40 min insanın təcrübə keçdiyini, hər il 1200 qəzet rəhbərinə burda liderlik təcrübəsinin öyrədildiyini, rəhbərlik və təşkilatçılıq təcrübəsinin öyrədildiyini deyib. Bu təşkilat, həmçinin, mediaya biznes kimi baxılmasını və idarəetməni öyrənir, yəni gələcək qəzet modelləri hazırlayır, xüsusi araşdırmalar aparmaqla, ABŞ-da medianın vəziyyətinin yaxşılaşmasına xidmət edən proqnozlar və xidmətlər təklif edir. O bildirib ki, təkcə ötən il rəhbərlik etdiyi institut media layihələrinə 2 milyard dollar vəsait ayırıb.
Nümayəndə həyəti daha sonra yeni dərc olunan “Politika” qəzetinin redaksiyasında olub. Qəzetin baş redaktoru Devid Mark qəzetini “Washington Post”-dan ayrılaraq yaratdığını, nəşrin pulsuz paylandığını, reklam gəlirləri ilə saxlandığını, yalnız seçki ilə bağlı yazı və araşdırmalara, sorğulara yer verdiklərini, digər mövzuların onları maraqlandırmadığını deyib. Daha sonra isə nümayəndə həyəti “Washington Post” qəzetinin İnternet saytı olan www.washingtonpost.com saytının redaksiyasında olublar. Saytın marketinq üzrə vitse-prezidenti Tim Ruder sayt haqqında məlumat verib. O bildirib ki, sayt yerli ərazini əhatə edən və beynəlxalq səviyyədə istifadə olunan iki hissədən ibarətdir. Sayta gündə 1 milyon oxucunun baxdığını deyən marketinq müdiri saytda 275 nəfərin çalışdığını da qeyd ədib.
Qeyd edək ki, bu gün nümayəndə həyətinin ABŞ Dövlət Departamentində görüşləri başlanır. Departamentin Avropa və Asiya Məsələləri Bürosunun Azərbaycan masasının məmuru, xanım Leyn Bal, siyasət məmuru, xanım Uendi Silverman və proqram məmuru, xanım Stefani Oltman-Uaynenslə ABŞ-Azərbaycan münasibətləri mövzusunda müzakirələr aparılacaq. Daha sonra nümayəndə həyəti ABŞ Senatının mətbuat qalereyası ilə tanış olub, Corc Vaşinqton Universitetində, “Washington Post” qəzetinin redaksiyasında olacaqlar. Sabah isə nümayəndə həyəti “Amerikanın səsi” radiosunun Azərbaycan redaksiyasında görüş keçirməklə, Vaşinqtona səfərini başa vurub, Florida ştatına gedəcək.
Qeyd edək ki, Azərbaycan nümayəndə heyətinə APA-nın baş direktoru Vüsalə Mahirqızı, “Day.az” internet portalının baş redaktoru Elnur Baimov, “Yeni Müsavat” qəzetinin baş redaktoru Rauf Arifoğlu, “Ayna-Zerkalo” qəzetinin baş redaktoru Elçin Şıxlı, “Həftə içi” qəzetinin baş redaktoru Sevinc Seyidova, “Yeni Azərbaycan” qəzetinin baş redaktoru Alqış Həsənoğlu və “Yeni Zaman” qəzetinin baş redaktoru Şakir Habiloğlu daxildir. /APA/