Media

Ana səhifə

Media

Əflatun Amaşov: “Jurnalistlərə ev tikilməsindən ötrü yer ayrılması üçün prezidentə müraciət etmişik”

19 iyul 2007 15:21 (UTC +04:00)

“Mətbuatın iqtisadi durumu Mətbuat Şurasını çox narahat edir”. APA-nın xəbərinə görə, bu sözləri Mətbuat Şurasının (MŞ) sədri Əflatun Amaşov deyib. Bununla bağlı MŞ-nin mətbuata dövlət yardımının edilməsi ilə bağlı dövlət proqramı layihəsi hazırladığını deyən qurum sədri bildirib ki, bu layihənin bir neçə dəfə Prezident Aparatında müzakirə edildiyini qeyd edib. Jurnalistlərin ən ciddi sosial probleminin evsizlik olduğunu söyləyən Ə. Amaşov jurnalistlərə ev tikilməsindən yerlərin ayrılması üçün bir müddət əvvəl müvafiq qurumlara müraciət etdiklərini xatırladıb: “Bizə bir neçə yer də göstəriblər. Artıq bu problem gündəmdədir. Prezidentə də müraciət etmişik ki, müvafiq yerin ayrılmasında Mətbuat Şurasına yardımçı olsun. Mənə elə gəlir ki, yaxın günlərdə bu müraciətə müsbət cavab alacağıq”. /APA/