Moskva. Fərid Əkbərov-APA. Rusiya paytaxtında Kollektiv Təhlükəsizlik Müqaviləsi Təşkilatı (KTMT) ölkələrinin xarici işlər, müdafiə nazirləri və təhlükəsizlik şuraları baş katiblərinin birgə iclası keçirilib. APA-nın Moskva müxbirinin verdiyi məlumata görə, iclasda KTMT-yə üzv ölkələrin xarici siyasətinin istiqamətləri, kollektiv təhlükəsizlik sisteminin təkmilləşdirilməsi, hərbi əməkdaşlığın möhkəmləndirilməsi və digər məsələlər müzakirə olunub.
İclas iştirakçıları KTMT-nin baş katibi Nikolay Bordyujanın illik hesabatını dinləyiblər. Onlar Əfqanıstandakı vəziyyətin inkişafı perspektivlərini müzakirə ediblər.
Toplantıda növbəti iclasın vaxtı və yeri barədə razılıq əldə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
