Bakı. Nicat Mustafayev - APA-Economics. Son zamanlar Azərbaycan investorlarının Rusiya bazarına marağı artıb. «APA-Economics»in məlumatına görə, bunu Rusiyanın Azərbaycandakı ticarət nümayəndəsi Yuri Şedrin bildirib.
Onun sözlərinə görə, Azərbaycandan olan investorlar artıq Rusiyada çay istehsalı zavodu, konserv zavodu kimi müəssisələr inşa edib və fəaliyyət göstərirlər: «Yaxın gələcəkdə bir Azərbaycan şirkəti Rusiyada 5 zavoddan ibarət üzlük tikinti materialları istehsalı kompleksi inşa edəcək ki, layihənin ümumi dəyəri 30 mln. avro təşkil edir. Bundan başqa, həmin şirkət Qaraçay-Çərkəsdə qips yataqlarının işlənməsi ilə də məşğul olacaq».
Y.Şedrin Rusiya şirkətlərinin də Azərbaycanda fəaliyyətinə toxunub və bildirib ki, hazırda Azərbaycanda Rusiya kapitallı 500-dən artıq müəssisə və təşkilat fəaliyyət göstərir. Onlardan 200-ə yaxını 100% Rusiya kapitallıdır, 300-dən çoxu isə birgə müəssisə şəklində fəaliyyət göstərir».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
