Sabirabad. Əlibəy Zeynallı - APA. Sabirabadda 23 yaşlı qadın ölüb.
APA-nın Mil-Muğan bürosunun verdiyi məlumata görə, Sabirabad rayonunun Çöl Beşdəli kənd sakini, 1992-ci il təvəllüdlü Məmmədova Zəhra Zaur qızı bu gün səhər saat 6.00 radələrində ağır vəziyyətdə Şirvan şəhər xəstəxanasına çatdırılıb.
Xəstəxananın reanimasiya şöbəsinə yerləşdirilən xəstəyə təcili yardım göstərilsə də, o, bir neçə dəqiqədən sonra keçinib.
Z. Məmmədovanın dərman zəhərlənməsindən öldüyü ehtimal olunur.
Ölümün dəqiq səbəbini aydınlaşdırmaq üçün meyit Şirvan şəhər Məhkəmə-Tibbi Ekspertiza və Patoloji Anatomiya mərkəzinə təhvil verilib.
Faktla bağlı Sabirabad Rayon Polis Şöbəsi araşdırma aparır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
