Bakı-APA. Ukraynanın müxalif “UDAR” partiyasının lideri Vitali Kliçko ölkə prezidenti Viktor Yanukoviçlə teledebatlara yalnız onun istefaya gedəcəyi təqdirdə hazırdır. APA-nın “İTAR-TASS”a istinadən verdiyi xəbərə görə, bu barədə o Facebook səhifəsində yazıb.
“Mən Yanukoviçlə teledebatlarda iştirak etməyə hazıram. Lakin o, əvvəlcə, cəsarətli bir addım atmalıdır. O ölkədəki kəskin siyasi və iqtisadi böhrana görə məsuliyyəti öz üzərinə götürməli və istefa verməlidir. Və prezident kampaniyası çərçivəsində mən hər an Yanukoviçlə debatlarda görüşməyə hazıram”, deyə Kliçko bildirib.
Qeyd edək ki, Ukrayna prezidenti Viktor Yanukoviç bundan əvvəl müxalif UDAR partiyasının lideri Vitali Kliçko ilə teledebatlara çıxmağa hazır olduğunu bildirib.
APA-nın məlumatına görə, bunu Ukrayna prezidentinin mətbuat xidmətinin rəhbəri Andrey Lısenko deyib.
O bildirib ki, debatlar ümumrespublika telekanallarından birində keçiriləcək.
A.Lısenko onu da əlavə edib ki, Yanukoviç-Kliçko debatlarını müvafiq təkliflə çıxış edəcək istənilən dövlət yaxud da özəl telekanallar yayımlaya bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
