Bakı – APA. Futzal üzrə UEFA kubokunun Bakıda keçiriləcək “Dördlər finalı”nın püşkatmasının vaxt müəyyənləşib. Apasport.az UEFA-nın rəsmi saytına istinadən xəbər verir ki, tədbir martın 12-də “Hilton” otelində keçiriləcək və saat 15:00-da başlayacaq.
”Barselona” (İspaniya), “Dinamo” (Rusiya), “Kayrat” (Qazaxıstan) və Azərbaycan çempionu “Araz”ın mübarizə aparacağı “Dördlər finalı”nın oyunları aprelin 24-ü və 26-da keçiriləcək. Yarımfinal oyunları aprelin 24-də baş tutacaq. 2 gün sonra isə 3-cü yer uğrunda və final matçı olacaq.