Bakı. Aqşin Rafiqoğlu – APA-Economics. Bu ilin yanvar-oktyabr ayları ərzində Azərbaycanın gömrük orqanları tərəfindən 1 134,4 mln. manat həcmində gömrük vergi və rüsumları toplanaraq dövlət büdcəsinə köçürülüb. Ümumilikdə isə, 2013-cü il ərzində Dövlət Gömrük Komitəsinin (DGK) büdcə öhdəlikləri 1 380 mln. manat həcmində proqnozlaşdırılır.
«APA-Economics»in məlumatına görə, bunu jurnalistlərə açıqlamasında DGK-nin sədri Aydın Əliyev bildirib: «Ümid edirik ki, qarşıdakı iki ay ərzində büdcə tapşırığını tam yerinə yetirəcəyik».
Komitə sədri qeyd edib ki, 2014-cü il üçün hazırlanmış dövlət büdcəsinin layihəsi artıq noyabrın 12-də Milli Məclisin plenar iclasında müzakirəyə çıxarılacaq: «Gələn il gömrük orqanları tərəfindən bu ilkindən 130 mln. manat çox, yəni 1 510 mln. manat həcmində vəsaitin dövlət büdcəsinə transfer edilməsi proqnozlaşdırılır. Həmçinin, Azərbaycana idxalın həcminin artacağı gözlənilir. Bu da büdcə proqnozunun artıqlaması ilə yerinə yetirilməsinə gətirib çıxaracaq».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
