Bakı-APA. Almatıdan Atırau istiqamətində hərəkət edən sərnişin qatarı Qızılkoqin rayonu ərazisində relsdən çıxıb. APA-nın “İnterfaks”a istinadən verdiyi xəbərə görə, hadisə baş verən zaman qatarda 495 sərnişin və şəxsi heyət üzvü olub. Makat rayon mərkəzindəki xəstəxanaya azı 6 xəsarət almış şəxs çatdırılıb.
Qalan sərnişinlər mikroavtobuslarla yaxınlıqdakı dəmiryolu stansiyasına daşınır.
Qeyd edək ki, hadisə zamanı 19 vaqondan 7-si aşıb, daha 5 vaqon isə relsdən çıxıb.
Sərnişinlərin təxliyəsinə 5 yanğınsöndürən briqada, 5 həkim briqadası, bir neçə polis maşını cəlb olunub. Hadisə yerinə həmçinin bir neçə helikopter cəlb olunub.
Hadisənin başvermə səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
