Bakı – APA. Pakistanda ABŞ konsulluğunun əməkdaşı, pakistanlı Faysal Səid qətlə yetirilib.
APA-nın İTAR-TASS-a istinadən verdiyi məlumata görə, hadisə Pişəvar şəhərində baş verib.
Polisdən bildiriblər ki, diplomat evinə yaxınlaşarkən iki nəfər naməlum şəxs ona atəş açıb və sonra motosikletlə hadisə yerindən uzaqlaşıb.
Pakistanın hüquq-mühafizə orqanlarının məlumatında F.Səid ABŞ konsulluğunun sabiq əməkdaşı kimi təqdim olunsa da, ABŞ-ın Pakistandakı səfirliyinin bəyanatında o, konsulluğun ştat işçisi kimi göstərilib.
Hələlik heç bir terrorçu qruplaşma qətlə görə məsuliyyəti öz üzərinə götürməyb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
