Daxili siyasət

Ana səhifə

Daxili siyasət

“Parlament buraxılsın” hərəkatı keçirəcəyi aksiya ilə bağlı BŞİH-ə müraciət edib

15 oktyabr 2012 08:29 (UTC +04:00)

Bakı. Ramil Məmmədli - APA. “Parlament buraxılsın” hərəkatı oktyabrın 20-də keçirəcəyi aksiya ilə bağlı Bakı Şəhər İcra Hakimiyyətinə müraciət edib.

Hərəkatdan APA-ya verilən məlumata görə, müraciətdə oktyabrın 20-də saat 15.00-da 2 min nəfərin iştirakı ilə paytaxtın Fəvvarələr meydanında aksiyasının keçirəcəyi qeyd olunub. Aksiyada Milli Məclisə yenidən seçkilərin keçirilməsi tələb olunacaq.

Qeyd edək ki, “Parlament buraxılsın” aksiyası əvvəlcə sosial şəbəkələrdə yer alıb, sonradan isə bu səhifənin təsisçiləri olan 50-yə yaxın ictimai təşkilat rəhbəri, bloqqer və ictimai-siyasi baxımdan aktiv gənclər hərəkat şəklində aksiya keçirilməsi qərarına gəlib.

Aksiyanın təşəbbüskarları arasında İctimai Palataya daxil olan partiyaların gənclər təşkilatları da var.